।।श्रीगणेशाय नमः।।
श्रीमत्कल्याणवर्मसूरिविरचिता
सारावली

द्वितीयोऽध्याय:
(होराशब्दार्थचिन्ता)

विधात्रा लिखिता याऽसौ ललाटेऽक्षरमालिका।

दैवज्ञातां पठेद्व्यक्तं होरानिर्मलचक्षुषा।।1।।

(हो.र. 1 अ. 25 श्लो.)आद्यन्तवर्णलोपाद्धोराशास्त्रं भवत्यहोरात्रम्(त्यहोरात्रम्)।

तत्प्रतिबद्धश्चायं ग्रहभगणश्चिन्त्यते यस्मात्(द्रष्टव्य वृहत्पाराशर)।।2।।

कर्मफललाभहेतुं चतुरा: संवर्णयन्त्यन्ये।

होरेति शास्त्रसंज्ञा लग्नस्य तथार्धराशेश्च(द्र.वृ. जा. 2।9)।।3।।

जातकमिति प्रसिद्धं यल्लोके तदिह कीर्त्यते होरा।

अथवा दैवविमर्शनपर्याय: खल्वयं शब्द:।।4।।

(हो.र. 1 अ. पृ. 7)अर्थार्जने सहाय: पुरुषाणामापदर्णवे पोत:।

यात्रासमये मन्त्री जातकमपहाय नास्त्यपर:।।5।।

इति कल्याणवर्मविरचितायां सारावल्यां होराशब्दार्थ होराशास्त्रचिन्ता नाम द्विकतीयोऽध्याय: